现年39岁嘅翟威廉（William）喺2005年参加《亚洲先生》并获得亚军，2009年约满后离开亚视。2010年参加《香港先生》成为八料冠军，多年嚟佢拍过唔少剧集，但可惜星运平平，暂时都未有代表作，今年3月宣布已跟TVB完约，成为「脱无者」。佢曾接受传媒访问时大方承认过去十年来有多位性伴侣，连日韩裔都有，随即引起网民热烈讨论。月初佢出席监製林志华嘅生日聚会，不过佢嘅容貌及保养问题引嚟关注，因为佢望落甚为憔悴，岁月痕迹开始浮现，不禁令网民猜测佢纵慾过度，而佢日前接受传媒访问就解开咗呢个疑团！

翟威廉与许家杰、林淑敏以及张本立等人出席监製林志华嘅生日聚会，相片中嘅翟威廉留有鬚根，以低调打扮现身，但脸颊稍微浮肿下垂，望落甚为憔悴，同佢喺8月出席澳门活动时嘅状态有段距离，所以唔少网民都猜测佢纵慾过度，留言「抵到烂」、「爽足10年又有咩所谓」、「送水辉仲后生样过佢」、「其实唔算好残，肥左d」、「变左麦包」、「好残咩 肥左就真」及「个样残咗咁多，睇嚟係纵慾过度」等等。

翟威廉接受传媒访问，期间被问到关于纵慾过度残爆一事，佢就话自己一切如常，冇特别话攰唔攰，同时年纪越嚟越大唔需要瞓觉；不过佢自己就觉得突然残咗有可能係平时练波同练band去到好夜都唔瞓觉有关。至于被问到有冇女朋友，佢就话冇，Keep住浪蕩、做下日本生意，玩音乐同拍下嘢。咁仲有冇同前「短暂伴侣」麦贝夷联络，佢就话冇，最紧要大家愉快健康。

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！