森美与老婆陈雅娴（Veronica）于本月中到日本大阪旅游期间，突收到被临时取消酒店订单嘅通知，即使与酒店柜枱职员争论两小时仍无用，到处搵酒店都被告知爆满，最终透过一个好耐冇见嘅朋友帮忙下搵到最后一间房，直言：「争啲真係要7街瞓」。事件惹起网民热议，除咗想知道森美係喺边个订酒店网站订房，亦有网民认为只有肯畀贵啲或者去奈良，一定唔会无房。日前，梁思浩与江美仪、梁铵庭于YouTube节目《娱乐好好玩》亦提到森美被取消酒店订单一事，梁思浩质疑森美因博加薪而炒作新闻。

梁思浩于节目指如果事件发生喺一个首次游日嘅人身上，的确有可信性，但去过日本嘅人都会知道所有JR站附近会有即日酒店畀赶唔到尾班车嘅上班族，Walk-in都会有房。另一主持人江美仪都表示对于森美事后于电台节目《早霸王》分享个人经历，其足本影片竟上载到903社交平台及官方YouTube频道感到唔寻常：「唔使钱听，仲要原汁原味45分钟听晒」。接着，梁思浩大爆广播界内幕，质疑森美因要为自己造势而炒新闻，指每年11月广播界都会有「全港听众调查」，亦係DJ加人工嘅指标，如果成功攞到排位就有power去加人工：「嗰段时间11月，周街有人问你有冇听电台，（你答）有，『知道咩节目？』所以如果你个节目个名成日都俾人记得，佢就会投你一票。第三条问题就会问有咩DJ你锺意，入咗脑佢就会嗌你个名。」

梁思浩续指，每年广播界会给予压力：「我好明一样嘢嘅，11月之前，广播界会施压力畀下面啲节目，主持人唔该你哋自己去炒吓新闻，拉吓票，搞啲嘢出嚟，今次唔係得呢个主持人，另一个主持人（小仪）都有搞，不过搞唔起咋。」另外，梁思浩又指每年10月商台都会搞篮球赛等活动乘机造势，表示预测未来两星期内，郑裕玲、余德丞等人都会突然间有啲新闻走出嚟炒作增加热度。

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！