Rightmove 早排公布咗英国及伦敦卖楼卖得最快及最耐嘅地区。卖楼卖得快，即係一放个盘出嚟就好快有人买；卖楼卖得耐，即係个盘放出嚟迟迟都卖唔出。

伦敦卖楼卖得最快嘅地区，顺次序排头三位分别都係距离市中心较远的 Walthamstow、Stoke Newington 同埋 Dagenham。

至于放个盘出嚟迟迟都卖唔出嘅头三位伦敦地区，顺次序分别係 Knightsbridge、Chelsea 及 Victoria 等市中心地区。其中 Knightsbridge 比去年更要用多 24 日才卖得出。呢啲地区都係伦敦嘅优质地段，负担得起嘅买家係比较少。

Rightmove 房地产专家 Tim Bannister 就表示，喺伦敦，Walthamstow 及 Dagenham 呢啲方便搭车去市中心返工嘅地区楼盘，喺搵买家方面节节领先，主要由于呢啲地区交通四通八达，楼价亦较市中心更容易负担；相反，Knightsbridge 同埋 Chelsea 呢啲咁高端嘅市场，级数係唔同，喺搵买家买楼方面嘅速度係要耐啲。

400岁人瑞 —— 40几岁中年汉被同事嘲笑是400岁人瑞，结果愤而出走鼓起勇气探索英伦新世界（没有啦！我和同事关係很好⋯⋯至少我自己是这样认为）。在重新适应异地生活的过程中，寻找他乡生活的技巧与生存的态度。从第一身视角分享人性的矛盾、制度的差异、文化的冲击，真实揭露财富是如何一点一滴积累，以及真人倒钱落海的经验⋯⋯

本栏〈太唔是何〉逢周五登场，旨在分享笔者在英国日常生活体验，给各位多一个生活参考，相关分享不存在实用资讯（抱歉！），只反映在当时情况下，笔者遇到的真实情况纪录，大家可以当係故仔听，参考一下。

留言、给讚、追蹤、分享，请follow 《太唔是何》Threads或Facebook专页